Health Tips: ડાયાબિટીસને ખતમ કરવા માટે આ 5 શાકભાજીનો આહારમાં ખાસ કરો સમાવેશ
ગાજર, ટામેટાં અને પાલક સહિતની કેટલીક શાકભાજીનું સેવન ડાયાબિટીસના દર્દીઓ માટે ફાયદાકારક માનવામાં આવે છે. આ શાકભાજીમાં રહેલા પોષક તત્વો બ્લડ શુગરને નિયંત્રિત કરવામાં મદદ કરે છે. સુગરના દર્દીઓએ તેનું ખૂબ સેવન કરવું જોઈએ.
Trending Photos
- 5
- 7
- 5
- 5
)
બધા જ લોકો પોતાના સ્વાસ્થ્યને સારું રાખવા માટે અવનવા પ્રયોગો કરતા હોય છે. જેમાં ફળ અને શાકભાજીઓનું સેવન કરવું હોય છે જરૂરી. વધુ સારો આહાર તમને લાંબા સમય સુધી સ્વસ્થ્ય રહેવામાં મદદ કરી શકે છે. યુએસ ડિપાર્ટમેન્ટ ઓફ એગ્રીકલ્ચરના અનુસાર સ્ત્રીઓને દરરોજ 2 થી 3 કપ શાકભાજીની જરૂર હોય છે અને પુરુષોને દરરોજ 3 થી 4 કપ શાકભાજીની જરૂર હોય છે. જો તમે ડાયાબિટીસથી પીડિત છો. તો પૌષ્ટિક અને ઉચ્ચ ફાઈબરવાળા શાકભાજી ખાવા જોઈએ. આ તમને બ્લડ સુગરને નિયંત્રિત કરવામાં ઘણી મદદ કરી શકે છે. જાણો 5 શાકભાજી વિશે જે સ્વાસ્થ્ય માટે છે જરૂરી.
ગાજર
ગાજર તે સ્ટાર્ચ અને ફાઈબરથી હોય છે ભરપૂર. ઈટિંગ વેલના એક રિપોર્ટ અનુસાર ગાજરનું સેવન કરવાથી બ્લડ સુગરને નિયંત્રિત કરવામાં મદદ મળી શકે છે. ગાજરમાં વિટામિન A પણ વધુ હોય છે, જે રોગપ્રતિકારક શક્તિને મજબૂત બનાવે છે. ગાજરનું સેવન કરીને આંખોને સ્વસ્થ રાખી શકાય છે. ડાયાબિટીસના દર્દીઓ આહારમાં ગાજરનો સમાવેશ કરી શકે છે.
કોબીજ
ડાયાબિટીસના દર્દીઓ માટે કોબીજ ખૂબ જ ફાયદાકારક માનવામાં આવે છે. તેમાં ભરપૂર માત્રામાં વિટામિન C હોય છે. જે હૃદયના સ્વાસ્થ્યને પણ સુધારી શકે છે. તમે જે ખાઓ છો તેના પાચનને ધીમું કરવા માટે તેમાં પુષ્કળ પ્રમાણમાં ફાઇબર હોય છે, જે બ્લડ સુગરના વધારાને રોકવામાં મદદ કરી શકે છે. તમે કોબીને શાકભાજી અથવા અન્ય ખાદ્યપદાર્થોમાં ઉમેરીને ખાઈ શકો છો.
પાલક
તમામ પાંદડાવાળા લીલા શાકભાજીની જેમ, પાલક પોષક તત્વોથી સમૃદ્ધ છે. તે આયર્નમાં પણ સમૃદ્ધ છે, જે તંદુરસ્ત રક્ત પ્રવાહ માટે જરૂરી માનવામાં આવે છે. ન્યુટ્રિશન જર્નલમાં પ્રકાશિત 2020ના અભ્યાસ મુજબ, પાલકમાં થાઇલાકોઇડ્સ નામની પટલ પણ હોય છે, જે ઇન્સ્યુલિનની સંવેદનશીલતામાં મદદ કરી શકે છે. તમે પાલકને સૂપ અથવા શાકભાજીમાં ઉમેરીને ખાઈ શકો છો
ટામેટાં
મોટાભાગના લોકોને ટામેટાં ખાવાનું પસંદ હોય છે. શાકભાજી અને સલાડ સિવાય લોકો ફાસ્ટ ફૂડ બનાવવામાં પણ ટામેટાંનો ઘણો ઉપયોગ કરે છે. ટામેટા દેખાવમાં જેટલા સારા લાગે છે તેટલા જ ફાયદાકારક છે. ટામેટાંમાં લાઈકોપીન ભરપૂર માત્રામાં હોય છે. તે એન્ટીઑકિસડન્ટ છે, જે બ્લડ સુગરને નિયંત્રિત કરવામાં મદદ કરી શકે છે. ટામેટાં ખાવાથી કેન્સરનું જોખમ પણ ઘટી શકે છે.
કાકડી
સલાડમાં સૌથી વધુ પસંદ કરાયેલ કાકડી હાઇડ્રેશન માટે શ્રેષ્ઠ માનવામાં આવે છે. તેમાં ઘણું પાણી હોય છે, જે ઉનાળામાં હાઇડ્રેટેડ રાખવામાં મદદ કરે છે. જર્નલ મોલેક્યુલ્સમાં 2022ની સમીક્ષામાં જાણવા મળ્યું છે કે કાકડીનું સેવન કરવાથી બ્લડ સુગરના સ્તરને ઘટાડવા અને નિયંત્રિત કરવામાં મદદ મળી શકે છે. તેનાથી શરીરમાં બળતરા પણ ઓછી થાય છે.
(Disclaimer: અહીં આપેલી જાણકારી ઘરેલુ નુસ્ખા અને સામાન્ય જાણકારીઓ પર આધારિત છે. તેને અપનાવતા પહેલા ડોક્ટરની સલાહ જરૂર લેવી. ZEE 24 કલાક તેની પુષ્ટિ કરતું નથી.)
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
